Një debat i ashpër ka ndodhur së fundmi mes Mateo Borri dhe Rogert Sterkaj brenda shtëpisë së Big Brother VIP Albania.

Gjatë përplasjes, Rogerti i përmendi motrën Mateos, gjë që ka shkaktuar reagime të shumta si brenda shtëpisë, ashtu edhe jashtë saj.

Për situatën ka reaguar edhe ish-banorja Xheneta Fetahu, e cila e ka cilësuar të papranueshme gjuhën e përdorur.

“Kjo nuk ishte lojë. Me përmend motrën e dikujt me atë gjuhë është niveli më i ulët, jo strategji”, ka shkruar ajo.

Më tej, Xheneta shtoi: “Kur prek dinjitetin e një femre që s’është pjesë e lojës, ke kaluar çdo vijë. Çudi si s’pati reagim nga VIP-at jashtë për t’i dhënë zë kësaj çështjeje”.

Ajo shprehu gjithashtu vlerësim për qëndrimin e Mateos gjatë debatit. “Respekt për Mateon që u përmbajt”, u shpreh ish-banorja.

Mbetet për t’u parë në vijim nëse “Vëllai i Madh” do të marrë masa disiplinore ndaj Rogertit për këtë situatë.