IRAN – Një tërmet me magnitudë 4.3 të shkallës Rihter goditi pranë qytetit Gerash, në jug të Iran, sipas të dhënave të United States Geological Survey (USGS).

Sipas raportimeve, tërmeti ndodhi në një thellësi të cekët prej rreth 10 kilometrash, çka e bën atë tipik për aktivitetin tektonik natyror në një rajon me aktivitet të lartë sizmik.

Zona ku u regjistrua lëkundja ndodhet përgjatë sistemit aktiv të thyerjes Zagros, një nga zonat më të njohura sizmike në rajon, ku tërmetet e cekëta janë të zakonshme.

Tërmeti me magnitudë 4.3 u lokalizua në provincën Fars, pranë qytetit Gerash. Ai u regjistrua në një thellësi prej rreth 10 km dhe u ndje nga banorët lokalë, por nuk ka pasur raportime për viktima apo dëme të mëdha materiale, thanë autoritetet lokale.

Ky lloj tërmeti klasifikohet si i lehtë deri mesatar dhe zakonisht nuk shkakton pasoja të rënda.

Orët e fundit, Irani ka përjetuar edhe disa lëkundje deri 4.7 ballë)ëz në rajone të ndryshme si Ahvaz dhe Khowy, por pa pasoja të rëndësishme.

Vala e tërmeteve vjen në një periudhë tensionesh të larta në rajon, ndërsa situata e sigurisë në Lindjen e Mesme mbetet e brishtë.

Tërmeti i fundit me pasoja të rënda në Iran ka ndodhur në nëntor 2022, kur një lëkundje me magnitudë 5.6 ballë goditi rajonin e Bam, provinca Kerman. Ky tërmet shkaktoi viktima dhe dëme të konsiderueshme, duke rikujtuar tragjedinë e madhe të vitit 2003 në të njëjtin qytet, ku mbi 26,000 persona humbën jetën.

Në vitet e fundit, shumica e tërmeteve në Iran kanë qenë të mesatare (magnitudë 4–5.5), shpesh me dëme të kufizuara. Megjithatë, rajoni është shumë aktiv sizmikisht për shkak të përplasjes së pllakës Arabe me atë Euroaziatike, dhe historikisht ka pasur disa prej tërmeteve më vdekjeprurëse në botë.