Detaje janë zbardhur nga mbledhja e Kryesisë së Partia Socialiste e Shqipërisë, e zhvilluar paraditen e sotme në selinë qendrore të partisë.

Gjatë takimit 30-minutësh, ku ishte i pranishëm edhe kryeministri Edi Rama, fokusi kryesor ishte organizimi i brendshëm dhe intensifikimi i angazhimit politik në terren.

Burime bëjnë me dije se në mbledhje u kërkua nisja e takimeve me strukturat drejtuese dhe mbështetësit në bazë, si pjesë e një procesi riorganizimi dhe koordinimi të aktivitetit politik në vijim.

Në takim mori pjesë edhe Belinda Balluku.

Sa i përket forumit më të gjerë drejtues, nuk u përcaktua një datë për mbajtjen e Asamblesë Kombëtare. Mbledhja vjen pas ndryshimeve në qeveri të ndërmarra vetëm pak ditë më parë.