Kryeministri Edi Rama ka mbledhur këtë të martë kryesinë e Partisë Socialiste. Mbledhja ka zgjatur vetëm 30 minuta. Asnjë informacion nuk u dha për mediat e pranishme.

Ndër qëllimet e mbledhjes ishin fati i Ballukut nëse do të lejohet SPAK që ta arrestojë, vendim që duket të jetë ekskluzivitet i Ramës.

Gjithashtu në fokus ishte data e mbledhjes së Asamblesë Kombëtare të PS. Më e fundit ishte më 11 shtator 2025.

Jozyrtarisht noa.al mëson se në mbledhjen e kryesisë u diskutua për zgjedhjet në PS me datat që duket të jenë në muajt qershor dhe korrik 2026.

Në këtë mbledhje ishte e pranishme dhe Belinda Balluku. Përveçse deputete ajo është edhe kryetare politike e PS për qarkun Fier.

Gjithashtu në mbledhjen e kryesisë u pa të ishte edhe Elisa Spiropali e cila u shkarkua më herët nga Rama.

/noa.al