Araghchi: Bazat amerikane në rajon janë objektiva të ligjshme për ne

Teheran – Diplomati i lartë iranian, Abbas Araghchi, deklaroi se bazat ushtarake të Shteteve të Bashkuara në rajon përbëjnë objektiva të ligjshme për Iranin.

Araghchi tha sonte se prania e forcave amerikane në Lindjen e Mesme shihet si një kërcënim serioz për sigurinë e vendeve të rajonit. Ai shtoi se, në rast përplasjesh, këto baza do të konsiderohen shënjestra të ligjshme nga ana e Iranit.

Sipas tij, politika e Iranit është e qartë: çdo veprim i SHBA-së që cenon sigurinë e rajonit do të marrë përgjigjen e duhur. Araghchi nënvizoi se vendi i tij nuk kërkon tensione, por është i detyruar të mbrojë interesat kombëtare dhe sigurinë e popullit iranian.

Ai gjithashtu kritikoi vazhdimin e pranisë ushtarake amerikane, duke e cilësuar atë si faktor destabilizues për Lindjen e Mesme.