Kryetari i Partia Demokratike e Shqipërisë, Sali Berisha, gjatë fjalës së mbajtur në foltoren me mbështetësit përpara Kryeministrisë, ftoi qytetarët të marrin pjesë në protestën e radhës.

Berisha deklaroi se demokratët dhe çdo qytetar do të mblidhen përpara Parlamentit në ditën kur do të diskutohet çështja e imunitetit të Belinda Balluku.

Sipas njoftimeve, seanca plenare pritet të zhvillohet më 12 mars, ku do të votohen raportet e paraqitura nga shumica dhe opozita lidhur me imunitetin e saj.

“Ftoj qytetarët ditën e diskutimit të imunitetit të Ballukut të gjithë te Parlamenti. Parlamenti i qytetarëve, jo i hajnave. Parlamenti juaj”, u shpreh Berisha gjatë fjalës së tij.

Ai theksoi se protesta do të jetë një reagim qytetar ndaj procesit parlamentar dhe u bëri thirrje mbështetësve për pjesëmarrje masive.