Kush është kryevepra e Iranit që hodhi në erë avionin luftarak amerikan 27 vjet pasi serbët përdorën raketën ruse duke rrëzuar avionin ushtarak të SHBA në luftën e Kosovës

27 vite pas rrëzimit nga Serbia të një avioni luftarak amerikan me raketa ruse në Luftën e Kosovës, Irani njoftoi sot shkatërrimin e një tjetër avioni luftarak amerikan.

Forcat e armatosura iraniane njoftuan se kanë rrëzuar këtë mëngjes një avion luftarak amerikan të tipit F-15 pranë kufirit Iran–Kuvajt, ndërsa rrënojat e mjetit ajror kanë rënë brenda territorit të Kuvajtit.

Lajmi është bërë i ditur nga Agjencia e Lajmeve Tasnim, e cila raportoi se operacioni është realizuar në orët e para të mëngjesit. Avioni ishte një model i avancuar i forcave ajrore amerikane.

Ministria e Mbrojtjes e Kuvajtit ka konfirmuar ngjarjen përmes një deklarate zyrtare, duke bërë të ditur se rrënojat e avionit janë konstatuar brenda territorit kuvajtian. Deri më tani nuk janë dhënë detaje të plota mbi rrethanat e incidentit apo mbi fatin e pilotit.

Pamjet e momentit të shkatërrimit janë transmetuar gjerësisht nga media të ndryshme ndërkombëtare..

Herën e fundit që një avion luftarak amerikan u rrëzua në rrethana lufte ishte 27 vite më parë, gjatë Luftës së Kosovës, kur një avion amerikan F-117 u rrëzua nga forcat serbe më 1999 me një raketën ruse.

Që nga ajo kohë, për shkak të përparimeve të ndjeshme në teknologjinë ajrore dhe sistemet e mbrojtjes, nuk është raportuar zyrtarisht rrëzim i një avioni luftarak amerikan me pilot në operacione të drejtpërdrejta luftarake.

Si u rrëzua avioni luftarak amerikan më 1999

Gjatë asaj që njihet si lufta e Kosovës, një avion amerikan F-117 Nighthawk u rrëzua më 27 mars 1999, vetëm disa ditë pas fillimit të bombardimeve të NATO-s kundër Jugosllavisë. Avioni ishte një Lockheed F-117 Nighthawk, i njohur si avion “stealth” (me dukshmëri të ulët ndaj radarëve).

Avioni u rrëzua nga Forcat e Mbrojtjes Ajrore të Serbisë, të drejtuara nga koloneli Zoltan Dani. Për ta rrëzuar u përdor një sistem rus raketor tokë-ajër S-125 Neva (i njohur nga NATO si SA-3).

Piloti amerikan Dale Zelko u katapultua dhe u shpëtua më vonë nga forcat speciale amerikane.

Kjo u konsiderua të ishte ngjarje e paprecedentë sepse ishte hera e parë që një avion “stealth” amerikan rrëzohej në luftë dhe u konsiderua goditje simbolike ndaj teknologjisë ushtarake amerikane.