TIRANË, 28 shkurt 2026 — Një incident i rëndë është regjistruar mbrëmjen e sotme në zonën e ish-Bllokut, ku ish-rezidenca e diktatorit Enver Hoxha është bërë shënjestër e një sulmi me lëndë djegëse.

Gjatë marshimit të protestuesve të opozitës nëpër rrugët e kryeqytetit, drejt godinës janë hedhur disa shishe molotov, duke shkaktuar shpërthimin e një zjarri në pjesën hyrëse dhe në fasadën e objektit.

Flakët u përhapën me shpejtësi, por ndërhyrja e menjëhershme e forcave zjarrfikëse bëri të mundur lokalizimin e vatrës dhe parandalimin e djegies së plotë të brendshme të vilës.

Forca të shumta policie kanë krijuar një perimetër sigurie rreth objektit, ndërkohë që situata mbetet mjaft e tensionuar.

Ky akt shënon një prej pikave më të nxehta të protestës së sotme, ndërsa autoritetet kanë nisur mbledhjen e provave dhe këqyrjen e kamerave të sigurisë për identifikimin e personave që hodhën lëndët djegëse.