Një aksident tragjik ka ndodhur mbrëmjen e sotme rreth orës 19:30 në aksin rrugor Shkozet–Plepa, ku një person i moshuar ka humbur jetën si pasojë e një përplasjeje nga një automjet.

Sipas informacioneve paraprake nga Policia e Durrësit, automjeti që drejtohej nga shtetasi S. N., 23 vjeç, ka goditur këmbësorin D. T., 81 vjeç, teksa ky i fundit po kalonte rrugën. Goditja ka rezultuar fatale për 81-vjeçarin, i cili ka ndërruar jetë menjëherë në vendngjarje.

Autoritetet kanë shoqëruar drejtuesin e mjetit në ambientet e Komisariatit për kryerjen e veprimeve të mëtejshme procedurale dhe testet e alkoolit. Grupi hetimor po vijon punën në vendin e aksidentit për të sqaruar rrethanat e plota dhe shkaqet e kësaj ngjarjeje të rëndë.

Durrës/Informacion paraprak

Rreth orës 19:30, në aksin rrugor Shkozet–Plepa, automjeti që drejtohej nga shtetasi S. N, 23 vjeç. ka përplasur shtetasin D. T., 81 vjeç, i cili lëvizte në këmbë.

Si pasojë e përplasjes, 81-vjeçari ndërroi jetë.

Drejtuesi i automjetit, shtetasi S. N., është shoqëruar në Komisariat për veprime të mëtejshme.

Grupi hetimor ndodhet në vendngjarje dhe po punon për sqarimin e rrethanave të aksidentit