TIRANË, 28 shkurt 2026 — Ministria për Europën dhe Punët e Jashtme (MEPJ) njoftoi sot se po monitoron me vëmendje të shtuar situatën e tensionuar në Lindjen e Mesme. Përmes përfaqësive diplomatike, autoritetet shqiptare janë në kontakt të vazhdueshëm me vendet e rajonit që prej orëve të para të mëngjesit, pas përshkallëzimit të konfliktit ushtarak.

Në njoftimin zyrtar, MEPJ u bën thirrje të gjithë shtetasve shqiptarë që ndodhen në Emiratet e Bashkuara Arabe të tregojnë kujdes maksimal, të shmangin lëvizjet e panevojshme dhe të respektojnë rreptësisht udhëzimet e sigurisë të lëshuara nga autoritetet lokale.

NJOFTIM PËR MEDIAT

Ministria për Europën dhe Punët e Jashtme, vijon të ndjekë me vëmendje situatën në Lindjen e Mesme dhe prej mëngjesit të sotëm është në kontakt me autoritetet e vendeve të rajonit përmes përfaqësive diplomatike shqiptare.

MEPJ iu kërkon të gjithë shtetasve shqiptarë në Emiratet e Bashkuara Arabe të jenë të kujdesshëm duke shmangur daljet e panevojshme dhe duke ndjekur udhëzimet e sigurisë nga autoritetet lokale.

Hapësira ajrore e Emirateve të Bashkuara Arabe, ashtu si ajo e të gjitha vendeve të Gjirit, është e mbyllur përkohësisht si pjesë e masave për interceptimin e sulmeve.

Ambasada e Republikës së Shqipërisë në Abu Dhabi është në dispozicion të qytetarëve shqiptarë rezidentë në Emiratet e Bashkuara Arabe për çdo informacion, nevojë apo emergjencë, përmes kontaktit të emergjencës +971 50 980 7881.