Shorti i fazës 1/8 të finales së Champions League u hodh të premten, duke vendosur përballjet më interesante të këtij edicioni.

Skuadrat që kualifikuan direkt janë: Arsenal, Bayern Munich, Liverpool, Tottenham, Barcelona, Chelsea, Sporting dhe Manchester City. Ekipet që arritën nga Play off janë: Atalanta, PSG, Galatasaray, Real Madrid, Newcastle, Atlético Madrid, Bayer Leverkusen dhe Bodo/Glimt.

Përballjet kryesore

Real Madrid – Manchester City: Një duel tepër i fortë, që vitet e fundit po shndërrohet në një klasike të futbollit evropian.

PSG – Chelsea: Kampionët francezë do të tentojnë të mbrojnë titullin e fituar sezonin e kaluar.

Barcelona – Newcastle: Përballje më e lehtë në letër për katalanasit.

Atalanta – Bayern Munich: Test shumë i vështirë për italianët, me skuadrën bavareze si favorit.

Galatasaray – Liverpool: Një përballje e zjarrtë, me rikthim të përplasjes së zhvilluar në fazën e ligës, kur turqit fituan 1-0.

Arsenal – Bayer Leverkusen: Kryesuesit e Premier League përballë gjermanëve.

Atlético Madrid – Tottenham: Duel i ekuilibruar.

Bodo/Glimt – Sporting: Norvegjezët kërkojnë të vazhdojnë ëndrrën në këtë sezon.

Takimet e para të 1/8-ave do të zhvillohen më 10-11 mars, ndërsa ndeshjet e kthimit janë programuar për 17-18 mars.