TIRANË, 27 shkurt 2026 – Policia e Shtetit ka ndërmarrë një sërë ndryshimesh në nivelet drejtuese të komisariateve në disa qytete të vendit.

Burime bëjnë me dije se Luan Sinanaj, i cili mbante postin e shefit të Komisariatit të Krujës, është transferuar në drejtimin e Komisariatit të Pogradecit.

Ndërkohë, drejtimi i Komisariatit në Krujë i është besuar Santiljano Ndreut. Ai vjen në këtë detyrë pas përvojës si shef i Krimeve në Komisariatin Nr. 5 në Kamëz, ku ka drejtuar sektorin e hetimeve.

Po ashtu, Gentian Dedej është emëruar në krye të Komisariatit të Policisë së Bulqizës.

Ndryshimet bëhen në kuadër të riorganizimit të strukturave drejtuese dhe forcimit të menaxhimit në nivel vendor.