Operacioni ndërkombëtar i koduar “The Wanted”, ka futur në rrjetën e tij një tjetër person të kërkuar për vepra të rënda penale.

Policia e Shtetit tha sot se në përpjekjet për lokalizimin, kapjen dhe finalizimin e procedurave të ekstradimit të shtetasve të shpallur në kërkim ndërkombëtar, sot pritet finalizimi i procedurave të ekstradimit, nga Dubai, në Shqipëri, të një shtetasi të shumëkërkuar.

Ai është shtetasi Durim Bami, 47 vjeç, banues në Nikël, Krujë.

Gjykata e Posaçme e Shkallës së Parë Kundër Korrupsionit dhe Krimit të Organizuar, më datë 15.05.2024, i ka caktuar këtij shtetasi, masën e sigurisë “Arrest në burg”, për veprat penale “Sigurimi i kushteve dhe i mjeteve materiale për të kryer vrasje”, “Grupi i strukturuar kriminal”, “Kultivimi i bimëve narkotike” dhe “Kryerja e veprave penale nga organizata kriminale, ose grup i strukturuar kriminal”. /noa.al

Durim Bami