Një avion luftarak F-16 i Forcave Ajrore Turke është rrëzuar në orët e para të mëngjesit në Balıkesir. Si pasojë e aksidentit ka humbur jetën piloti, njoftoi prefekti i rajonit, Ismail Ustaoglu.

Sipas autoriteteve, avioni F-16 i përkiste Komandës së Skuadronit të 9-të të Bazës Ajrore të Balıkesir. Rrethanat e rrëzimit ende nuk janë bërë të ditura, ndërsa hetimet kanë nisur për të zbardhur shkaqet e ngjarjes.

Avioni është rrëzuar në segmentin e autostradës Izmir-Stamboll, duke detyruar autoritetet të bllokojnë përkohësisht qarkullimin për arsye sigurie. Ekipet e emergjencës po punojnë intensivisht për pastrimin e zonës dhe rikthimin e trafikut në normalitet.

🚨 F-16 savaş uçağının düşme anına ait görüntü; pic.twitter.com/Tt6ZwZgt4f

— Türkiye Gerçekleri TR (@gerceklerix) February 25, 2026