Anëtari i Këshillit të Mandateve, Ulsi Manja, iu drejtua me pyetje prokurorëve të Prokuroria e Posaçme kundër Korrupsionit dhe Krimit të Organizuar lidhur me deklaratat e tyre se Belinda Balluku, drejtpërdrejt ose nëpërmjet personave të tjerë, ka kërcënuar dëshmitarë në kuadër të hetimit ndaj saj.

Gjatë diskutimeve në Këshillin e Mandateve, Manja ngriti disa pyetje për organin e akuzës:

Ulsi Manja: Personat që pretendohet se janë kërcënuar, janë dëshmitarë apo të pandehur?

Prokuroria: Ka edhe të pandehur të tjerë, si dhe persona në cilësinë e dëshmitarit që nuk janë të pandehur.

Ulsi Manja: A janë sekuestruar të gjitha provat?

Prokuroria: Jo.

Ulsi Manja: Cili është mekanizmi përmes të cilit Balluku mund të prishë provat, duke qenë se është e pezulluar?

Prokurori: Balluku është në detyrë. Mekanizmi mund të realizohet përmes takimeve me vartësit.