Pas rreth tre orësh bllokim, është normalizuar qarkullimi në aksin Maliq–Moglicë–Gramsh, i prezantuar si rrugë alternative pas problemeve në segmentin Përrenjas–Librazhd.

Sipas informacioneve nga terreni, rruga tashmë është e hapur në të dyja korsitë dhe trafiku po qarkullon normalisht. Më herët, kalimi i disa trajlerëve në këtë segment shkaktoi paralizim të plotë të lëvizjes, duke krijuar radhë kilometrike automjetesh, kryesisht në drejtim të Tiranës nga zona e juglindjes, përfshirë Korçë.

Devijimi i qarkullimit ishte rekomanduar nga Autoriteti Rrugor Shqiptar (ARRSH), pas bllokimit të aksit Librazhd–Përrenjas për shkak të problematikave në terren.