Vdekje tronditëse e një djali në moshë të re në Tiranë, i përfshirë nga plagë fatale me armë zjarri.

Ngjarja ka ndodhur sonte rreth orës 19:55, tek zona e Rruga Ura në periferi të kryeqytetit, raporton noa.al.

Policia tha se është dërguar për mjekim në spital, shtetasi A. M., rreth 27 vjeç, i cili dyshohet se është vetëplagosur me armë zjarri, në banesën e tij, tek Rruga Ura.

Si pasojë shtetasi A. M, ka ndërruar jetë.

Është e paqartë përse i riu i ka dhënë fund jetës në këtë mënyrë.

Grupi hetimor tha se është duke vazhduar punën për sqarimin e rrethanave të rasteve dhe dokumentimin e plotë ligjor të ngjarjes.