Autoriteti Rrugor Shqiptar (ARRSH) njofton se ditën e nesërme do të kryhet një shpërthim i kontrolluar me sasi të vogla eksplozivi në zonën e Llogarasë, në kuadër të punimeve për ndërtimin e segmentit rrugor të rrugëve lidhëse.

Sipas njoftimit zyrtar, shpërthimi është parashikuar të realizohet në intervalin kohor 11:00–11:30 dhe do të shërbejë për hapjen e trasesë së rrugës, pa penguar qarkullimin e mjeteve.

ARRSH bën me dije se procesi është koordinuar me Policia e Shtetit, me qëllim menaxhimin e situatës dhe garantimin e sigurisë për drejtuesit e automjeteve gjatë zhvillimit të punimeve.

Autoriteti Rrugor Shqiptar kërkon mirëkuptimin e qytetarëve dhe përdoruesve të rrugës deri në përfundimin e plotë të këtij procesi pune.