Operacioni “Audienca” në Tiranë, zbulohen mbi 10 mijë suplemente të skaduara dhe të kontrabanduara. Shpallet në kërkim shtetasi i huaj Jasmin Trebo (administratori). U proceduan penalisht shtetasit Jurgen Gurra dhe Masilino Çobo

Një magazinë në Tiranë, e përdorur nga një subjekt me aktivitet ndërkombëtar në fushën e reklamimit dixhital, ka qenë në qendër të një hetimi të thelluar nga Seksioni për Hetimin e Krimeve Ekonomiko-Financiare, në bashkëpunim me Prokurorinë e Tiranës. Operacioni i koduar “Audienca” u finalizua pas përdorimit të metodave proaktive hetimore, që dokumentuan paligjshmëritë e kryera në ambientet e subjektit.

Gjatë kontrollit të ushtruar në magazinë, specialistët gjetën dhe sekuestruan mbi 10 000 suplemente ushqimore dhe bimore të skaduara dhe të kontrabanduara. Produktet nuk kishin pullën e Agjencisë së Barnave, as atë të Ministrisë së Financave dhe ishin pa etiketa në gjuhën shqipe, duke ngritur dyshime serioze për rrezikshmërinë dhe ligjshmërinë e tyre në treg.

Në vijim të veprimeve procedurale, u shpall në kërkim administratori i subjektit Limitet Charm, shtetasi nga Bosnja dhe Hercegovina, Jasmin Trebo, 53 vjeç. Ndërkohë, u proceduan penalisht dy punonjës të gjetur në ambientet e magazinës, shtetasit Jurgen Gurra, 30 vjeç dhe Masilino Çobo, 26 vjeç.

Autoritetet po punojnë për kapjen e 53-vjeçarit, ndërsa materialet procedurale i janë referuar Prokurorisë së Tiranës për veprime të mëtejshme lidhur me veprat penale “Kontrabanda me mallra të tjera”, “Ruajtja apo depozitimi i mallrave kontrabandë”, “Tregtimi dhe transportimi i mallrave që janë kontrabandë”, “Fshehja e të ardhurave” dhe “Importimi, prodhimi, shitja dhe ruajtja e ushqimeve të rrezikshme për shëndetin ose jetën e njerëzve”.

Hetimet vijojnë për të zbardhur plotësisht rrjetin e furnizimit dhe destinacionin e produkteve të sekuestruara.

Tiranë/Finalizohet nga Seksioni për Hetimin e Krimeve Ekonomiko-Financiare dhe Prokuroria, operacioni i koduar “Audienca”

Zbulohet se në një magazinë në Tiranë, mbaheshin për llogari të një subjekti me aktivitet ndërkombëtar në fushën e reklamimit dixhital, suplemente të skaduara dhe të kontrabanduara.

Sekuestrohen mbi 10 000 suplemente ushqimore dhe bimore.

Shpallet në kërkim administratori i subjektit (shtetas nga Bosnja dhe Hercegovina), si dhe procedohen penalisht 2 punonjës.

Pas një hetimi me metoda proaktive, kryer në drejtimin e Prokurorisë së Tiranës, për të dokumentuar paligjshmëritë që kryheshin në magazinën në kryeqytet, të një subjekti me aktivitet ndërkombëtar në fushën e reklamimit dixhital, u finalizua operacioni i koduar “Audienca”.

Nga kontrolli i ushtruar në ambientet e subjektit, specialistët e Seksionit për Hetimin e Krimeve Ekonomiko-Financiare gjetën dhe sekuestruan aty, mbi 10 000 suplemente ushqimore dhe bimore të skaduara, pa pullën e Agjencisë së Barnave dhe pa atë të Ministrisë se Financave, si dhe pa etiketa në gjuhën shqipe.

Në vijim të veprimeve procedurale për rastin, u shpall në kërkim administratori i subjektit, shtetasi nga Bosnja dhe Hercegovina, J. T., 53 vjeç, si dhe u proceduan penalisht punonjësit që ishin në ambientet e subjektit, shtetasit J. G., 30 vjeç dhe M. Ç., 26 vjeç.

Punohet për kapjen e 53-vjeçarit.

Materialet procedurale iu referuan Prokurorisë së Tiranës, për veprime të mëtejshme, për veprat penale “Kontrabanda me mallra të tjera”, “Ruajtja apo depozitimi i mallrave kontrabandë”, “Tregtimi dhe transportimi i mallrave që janë kontrabandë”, “Fshehja e të ardhurave” dhe “Importimi, prodhimi, shitja dhe ruajtja e ushqimeve të rrezikshme për shëndetin ose jetën e njerëzve”.