Një zyrtar i lartë amerikan deklaroi se Irani pritet të paraqesë një propozim me shkrim për mënyrën se si mund të shmanget përshkallëzimi i tensioneve me Shtetet e Bashkuara. Kjo lëvizje vjen pas bisedimeve që u zhvilluan të martën në Gjenevë mes përfaqësuesve të dy vendeve, sipas informacioneve që zyrtari i dha agjencisë Reuters.

I njëjti burim bëri të ditur se këshilltarët kryesorë të sigurisë kombëtare u mblodhën në Sallën e Menaxhimit të Krizave në Shtëpinë e Bardhë për të diskutuar çështjen e Iranit.

Gjatë takimit, ata u informuan se të gjitha forcat amerikane që janë dislokuar në rajon pritet të kenë marrë pozicionet e tyre përfundimtare deri në mesin e muajit mars.

Ndërkohë, Sekretari amerikan i Shtetit, Marco Rubio, pritet të zhvillojë një takim me kryeministrin e Izraelit, Benjamin Netanyahu, në Izrael gjatë fundjavës së fundit të muajit shkurt, sipas të njëjtit zyrtar amerikan.