19-vjeçarja kuqezi zbret në pistë në orën 10:00 në Milano Cortina 2026

Pas debutimit në slalomin gjigant, skiatorja shqiptare Lara Colturi do të rikthehet nesër në pistë në disiplinën e saj të preferuar, slalom, në kuadër të Lojërat Olimpike Dimërore Milano Cortina 2026.

19-vjeçarja do të jetë sportistja e parë që do të zbresë në lëshimin e parë, i cili nis në orën 10:00, duke i dhënë Shqipërisë një mundësi reale për një medalje historike në këtë edicion olimpik.

Shpresat janë të mëdha pasi gjatë këtij sezoni në Kupën e Botës, Colturi është ngjitur katër herë në podium, me dy vende të dyta dhe dy vende të treta, duke u renditur mes më të mirave të disiplinës së slalomit.

Favoritet e slalomit sipas renditjes së Kupës së Botës

Starti i parë do të përfshijë emrat më të fortë të sezonit:

Lara Colturi (ALB, 2006) – Renditja në Kupën e Botës: 5

Paula Moltzan (SHBA, 1994) – Renditja: 6

Camille Rast (SUI, 1999) – Renditja: 2

Katharina Truppe (AUT, 1996) – Renditja: 4

Wendy Holdener (SUI, 1993) – Renditja: 3

Lena Dürr (GER, 1991) – Renditja: 9

Mikaela Shiffrin (SHBA, 1995) – Renditja: 1

Sara Hector (SWE, 1992) – Renditja: 10

Emma Aicher (GER, 2003) – Renditja: 8

Anna Swenn Larsson (SWE, 1991) – Renditja: 7

Historia e kësaj disipline sugjeron se fitueset e medaljeve zakonisht dalin nga ky grup favoritësh.

Shiffrin kryeson renditjen e përgjithshme me 780 pikë, pasi ka fituar shtatë nga tetë garat e slalomit këtë sezon, duke përfunduar e dyta në të vetmen garë që nuk e fitoi, një dominim që e bën atë pretendenten kryesore për medaljen e artë.

Në këtë disiplinë do të garojnë gjithashtu edhe skiatorët shqiptarë Semire Dauti, e cila do të zbresë e 78-ta, Lisa Brunga e 84-ta dhe Kiana Kryeziu e 85-ta, me lëshimin e parë që nis nesër në orën 10:00.

Pritshmëritë janë të larta për një rezultat historik për Shqipërinë në skenën olimpike dimërore.