Këngëtarja e njohur Leonora Jakupi ka ndarë së fundmi detaje personale nga jeta e saj familjare, duke folur hapur për raportin e veçantë me mbesën e saj, Morea.

Në një intervistë, artistja u ndal tek zgjedhjet që ka bërë ndër vite, veçanërisht sa i përket krijimit të një familjeje të sajën. “Ndonjëherë them që më ka penalizuar, sepse dashurinë që e kam marrë nga Morea, më ka penalizuar që unë të mos krijoj atë familjen time, ta kem një fëmijë”, u shpreh ajo.

Leonora theksoi se përkushtimi ndaj mbesës ka qenë i madh dhe ka ndikuar në jetën e saj personale, por e konsideron këtë si një zgjedhje të vetëdijshme. “Është vajza e motrës sime, është gjaku im dhe e konsideroj si vajzën time. Kur them penalizim, e them në mënyrë kushtimore, sepse në fund të fundit ka qenë zgjedhja ime. Nuk jam penduar dhe jam shumë e lumtur që e kam afër vetes”, shtoi këngëtarja.

Me këtë rrëfim, ajo nënvizoi se dashuria dhe përkujdesja për mbesën kanë qenë prioritet në jetën e saj, duke e bërë të ndihet e plotësuar pavarësisht rrugës që ka zgjedhur.