Procesi zgjedhor për drejtimin e degës së Partia Demokratike e Shqipërisë në Lezhë po zhvillohet këtë të diel, ku anëtarësia do të votojë për kryetarin e ri të strukturës lokale.

Në garë janë tre kandidatë: Donika Ndoj, Paulin Marku dhe Salvator Kaçaj.

Gjatë ditëve të fundit, kandidatët kanë zhvilluar takime me strukturat dhe anëtarët e partisë në Lezhë, ku kanë prezantuar platformat dhe prioritetet e tyre për organizimin, ristrukturimin dhe forcimin e degës në nivel vendor.

Në fushatën e brendshme është vënë theksi te rritja e angazhimit të anëtarësisë, zgjerimi me prurje të reja dhe përgatitja për sfidat e ardhshme elektorale. Kandidatët kanë kërkuar mbështetjen e demokratëve të Lezhës, duke premtuar transparencë, bashkëpunim dhe një prani më aktive në terren.

Procesi i votimit pritet të vijojë gjatë gjithë ditës, ndërsa rezultatet do të shpallen pas përfundimit të numërimit të votave.