Bllokohet aksi Qafë Thore – Theth për shkak të rrezikut nga ortekët

Është pezulluar plotësisht qarkullimi i automjeteve në segmentin rrugor Qafë Thore – Theth për shkak të rrezikut të lartë nga ortekët e dëborës, si pasojë e kushteve të përkeqësuara atmosferike.

Sipas njoftimit zyrtar, vendimi është marrë pas analizës së riskut dhe komunikimit me inxhinierët e firmës kontraktore për mirëmbajtjen e rrugës, si dhe me Autoriteti Rrugor Shqiptar.

Autoritetet bëjnë me dije se, për shkak të rrezikshmërisë së lartë, nuk do të lejohet qarkullimi i asnjë automjeti, përfshirë edhe mjetet borëpastruese. Segmenti do të qëndrojë i mbyllur deri në një njoftim të dytë.

Drejtuesve të mjeteve u bëhet thirrje të respektojnë sinjalistikën rrugore, të shmangin këtë aks dhe të ndjekin përditësimet zyrtare.

Shërbimet policore apelojnë që për çdo nevojë apo emergjencë të telefonohet në numrin 112.

🚨 Njoftim

Bazuar në analizën e riskut dhe pas komunikimit me inxhinierët e firmës kontraktore për mirëmbajtjen e rrugës, dhe ARrSh-në, në segmentin rrugor “Qafë Thore – Theth”, për shkak të rrezikut nga ortekët e dëborës si pasojë e kushteve të përkeqësuara atmosferike, nuk do të lejohet qarkullimi i automjeteve, pasi rrezikshmëria është e lartë.

Ky segment rrugor do të mbahet i bllokuar deri në një moment të dytë. Për arsye sigurie, qarkullimi do të qëndrojë i mbyllur për të gjitha automjetet, përfshirë edhe mjetet borëpastruese, pasi zona paraqet rrezik të lartë për kalim.

U bëjmë thirrje drejtuesve të mjeteve të respektojnë sinjalistikën, të shmangin këtë aks dhe të ndjekin njoftimet zyrtare për përditësime të mëtejshme.

👮‍♂️👮‍♀️ Ndiqni udhëzimet e shërbimeve policore dhe për çdo nevojë apo emergjencë, telefononi në 112 📞