Ambasada e Kosovës në Washington, D.C. ka njoftuar se kryetarja e kryeqytetit amerikan, Muriel Bowser, ka shpallur zyrtarisht 17 shkurtin 2026 si “Ditën e Pavarësisë së Kosovës” në Uashington, DC.

Sipas vendimit të bërë publik, kjo shpallje vjen në kuadër të 18-vjetorit të pavarësisë së Kosovo dhe si vlerësim për përparimin që shteti ka shënuar që nga 17 shkurti 2008, veçanërisht në forcimin e sundimit të ligjit, mbrojtjen e të drejtave të njeriut dhe konsolidimin e pozitës së tij ndërkombëtare.

Në proklamatë theksohet gjithashtu lidhja e qëndrueshme dhe unike mes Kosovo dhe United States, e ndërtuar mbi vlera të përbashkëta demokratike, partneritet afatgjatë dhe respekt të ndërsjellë.

Një vëmendje e veçantë i kushtohet edhe kontributit të komunitetit shqiptaro-amerikan në jetën kulturore dhe qytetare të kryeqytetit amerikan.

Ambasada e Republikës së Kosovës ka falënderuar publikisht kryetaren Bowser përmes një reagimi në platformën “X”, duke vlerësuar njohjen zyrtare të 17 shkurtit si Ditë e Pavarësisë së Kosovës në Uashington, DC.

Proklamata mbyllet me deklarimin formal të datës 17 shkurt 2026 si “DITA E PAVARËSISË SË KOSOVËS” në Washington, D.C.

Thank you @MayorBowser for officially recognizing February 17 as Kosova’s Independence Day in Washington, D.C. 🇽🇰🇺🇸 pic.twitter.com/EfsWGwTDn4

— Embassy of Kosovo US (@KosovoinUS) February 14, 2026