Një person është paraqitur për ndihmë mjekësore pas një incidenti të ndodhur në Kamëz.

Sipas një informacioni paraprak, rreth orës 13:40, në spital është paraqitur shtetasi Jurges Mullai, rreth 30 vjeç, i cili kishte pësuar dëmtime në dorë. Dyshimet janë se është plagosur me armë të ftohtë.

Burime zyrtare bëjnë me dije se i dëmtuari ndodhet jashtë rrezikut për jetën.

Paraprakisht dyshohet se ngjarja ka ndodhur në vendin e quajtur “Trekatshet”, në Kamëz, ndërsa ende nuk janë bërë të ditura rrethanat e plota të incidentit.

Grupi hetimor vijon punën për sqarimin e plotë të rrethanave dhe dokumentimin e rastit.