DURRËS- Një ngjarje e rëndë ka ndodhur mbrëmjen e sotme në Qerret të Durrësit. Bëhet me dije se një burrë i identifikuar si Ardian Varrosi ka kërcënuar vajzën e tij me thikë, teksa ishte në gjendje të dehur.

Ai dyshohet se e kishte dhunuar edhe më herët vajzën brenda banesës. Siç raportohet, babai i vajzës ka kërcënuar edhe fqinjët, ndërkohë që vajza po mundohej të shpëtonte nga situata.

Falë ndërhyrjes së menjëhershme të patrullës së rendit, e cila ndodhej me shërbim në zonë, është shmangur përshkallëzimi i mëtejshëm i situatës. Por gjatë ndërhyrjes, autori ka goditur veten me mjetin prerës në pjesën e qafës.

Më pas, ai është transportuar me urgjencë në spital nga efektivët e policisë, të cilët kanë arritur të parandalojnë plagosje të tjera që mund t’i shkaktonte vetes.