Një situatë e paprecedentë është shënuar mbrëmjen e kësaj të enjteje në studion e emisionit “Opinion”, ku tema e diskutimit ishte procesi gjyqësor ndaj ish-krerëve të UÇK-së në Hagë.

Debati mes të ftuarve, analistit Berat Buzhala dhe shkrimtarit Albatros Rexhaj, ka degraduar nga përplasje verbale në një incident fizik, duke ndërprerë normalitetin e diskutimit në studio.

Nga replikat verbale te përplasja

Fillimisht, shkëmbimi i fjalëve mes tyre ishte i ashpër. Buzhala e akuzoi Rexhajn se kishte ardhur në studio “për të prishur debatin”, ndërsa Rexhaj reagoi duke e kritikuar për qëndrimet e tij politike, duke e cilësuar si një zë kritik të vazhdueshëm ndaj kryeministrit Albin Kurti.

Tensioni u rrit në momentin kur replikat u ashpërsuan: Pjesë nga debati në studio:

Buzhala: Trus aty!

Rexhaj: Ti po fol tan ditën për Kushtetutën, ai e interpreton vetë Kushtetutën.

Buzhala: Po ta kuptoj që ke ardh me prish debatin!

Rexhaj: O burrë, s’je ti pronar i debatit. Mbylle gojën or burrë.

Buzhala: Kujt i thua ti mbylle gojën?! Kujt?! (tha ai duke iu afruar Rexhajt dhe e godet)