Tiranë, 10 shkurt 2026 – Ish-deputeti i Partisë Demokratike, Ervin Salianji, iu bashkua mbrëmjen e sotme protestës kombëtare të opozitës, e thirrur nga kryetari i PD-së, Sali Berisha, përpara godinës së Kryeministrisë.

Salianji u shfaq në shesh i shoqëruar nga disa prej mbështetësve të tij, duke u angazhuar në takime dhe përshëndetje me protestuesit demokratë të pranishëm. Prania e tij në protestë u vlerësua si pjesë e angazhimit të tij politik për ndryshime brenda Partisë Demokratike.

Një ditë më parë, Salianji u kishte bërë thirrje qytetarëve dhe mbështetësve të opozitës që të merrnin pjesë masivisht në protestën e thirrur, duke e cilësuar atë si një reagim qytetar ndaj situatës politike në vend.

Protesta para Kryeministrisë është pjesë e aksionit opozitar kundër qeverisë dhe po zhvillohet në mënyrë paqësore, me pjesëmarrjen e mbështetësve nga Tirana dhe rrethet.