Ish-konkurrenti i “Përputhen”, Bruno Shemsho, ka komentuar zhvillimet e fundit në shtëpinë e “Big Brother VIP 5”, gjatë një interviste televizive, duke u ndalur te raporti mes dy banorëve, Brikena dhe Mateo.

I pyetur nëse Brikena mund të ketë një lidhje jashtë shtëpisë që e bën të tërhiqet nga një afrim i mundshëm me Mateon, apo nëse thjesht nuk ndjen pëlqim për të, Shemsho u shpreh se anon më shumë nga varianti i dytë.

“Unë po e marr të mirëqenë që ajo thjesht nuk e ka qejf. Pastaj, se çfarë ka jashtë nuk e di, kam parë shumë lajme që flasin për një lidhje të mundshme”, u shpreh ai.

Megjithatë, sipas Shemshos, ekziston edhe një element që ngre pikëpyetje lidhur me situatën sentimentale të Brikenës.

“Di një fakt: një ish me të cilin ajo ka pasur marrëdhënie, ajo e ka ende ‘follow’ në rrjetet sociale, kështu që edhe kjo është pak pikëpyetje”, tha ai.

I pyetur nëse bëhet fjalë për një personazh publik, Shemsho e mohoi këtë mundësi.

“Jo, nuk është personazh publik. Thjesht ma treguan që është ish-i i saj. Por në thelb, ajo thjesht nuk e ka qejf Mateon, kjo është e gjitha”, përfundoi ai.