RROGOZHINË – Kryetari i Bashkisë së Rrogozhinës, Edison Memolla, është vetëdorëzuar në Policinë e Rrogozhinës, pasi u shpall fajtor për veprën penale të korrupsionit aktiv në zgjedhje, kryer në bashkëpunim.

Vendimi u dha nga Gjykata e Apelit e Posaçëm, e cila e dënoi Memollën me 1 vit burgim. Si dënim plotësues, gjykata vendosi edhe heqjen e së drejtës për të ushtruar funksione publike për një periudhë prej 5 vitesh.

Sipas akuzës së Prokurorisë së Posaçme (SPAK), Edison Memolla ka ndikuar te elektricisti Blerim Xhamani me qëllim që të mos i ndërpritej energjia elektrike një abonenteje debitore. Ky veprim, sipas SPAK, synonte që bashkëshortja e saj të votonte në favor të Memollës në zgjedhjet e pjesshme lokale të 6 marsit 2022, ku ai garoi nën siglën e Partisë Socialiste.