I dehur dhe pa patentë, një i ri vlonjat është përfshirë në një aksident që precipitoi në plagosjen e tij dhe një personi tjetër.

Për ngjarjen, specialistët e Seksionit të Trafikut Urban dhe Interurban në DVP Vlorë arrestuan në flagrancë shtetasin Xh. Ç., 32 vjeç, banues në Vlorë.

Policia tha se i riu, duke drejtuar automjetin në gjendje të dehur, në aksin rrugor “Sherishtë–Vlorë”, ka humbur kontrollin mbi drejtimin e automjetit.

Për pasojë, automjeti ka dalë nga rruga, ku u dëmtuan drejtuesi i mjetit dhe pasagjeri Y. Ç.

Që të dy ndodhen në spital, jashtë rrezikut për jetën.

Nga verifikimet rezultoi se shtetasi Xh. Ç. ishte i papajisur me leje drejtimi.

Materialet procedurale iu referuan Prokurorisë së Vlorës për veprime të mëtejshme. /noa.al