Vlorë – Një familje ka shpëtuar nga gazi që shpërtheu në banesë pasi forcat zjarrfikëse arritën ta fikin zjarrin e shkaktuar.

Ngjarja ndodhi sot rreth orës 10:51, në lagjen “Uji i Ftohtë”, në banesën e shtetasit N. M., 68 vjeç, raporton noa.al.

Policia tha se në shtëpinë ku ndodhi ngjarja, në pjesën e ballkonit, ka rënë zjarr pasi ka plasur një bombol gazi.

Me ndërhyrjen e zjarrfikësve, zjarri u fik.

Nga verifikimet e para nuk ka persona të lënduar, vetëm dëme materiale.

Grupi hetimor, nën drejtimin e Prokurorisë, po vijon punën për sqarimin e rrethanave, përcaktimin e shkakut të rënies së zjarrit, si dhe për dokumentimin e plotë të rastit.