Monika Kryemadhi, kryetarja e Lëvizjes Socialiste për Integrim, ka folur në Top News për eksperiencën e saj si opinioniste në Big Brother, duke komentuar veçanërisht dy banorët më të komentuar të këtij edicioni, Mirin dhe Selenën.

Duke iu përgjigjur kritikave se favorizon Mirin në debatet e saj, Kryemadhi sqaroi se njohja me të është shumë më e hershme se pjesëmarrja në program:

“Mirin e njoh prej shumë vitesh. Mamaja ime dhe mamaja e Mirit, Luli e bukur e jashtëzakonshme, njihen prej kohësh. Njihemi shumë më përpara. Unë e njoh Mirin si karakter dhe kjo më jep të drejtën për të folur për të”, tha Kryemadhi.

Ajo theksoi gjithashtu se perceptimi i publikut ndaj Mirin është ndikuar nga hyrja e babait të Selenës në lojë dhe disa deklarata që sipas saj i dhanë pjesëtarëve të shtëpisë “të drejtën për të gjykuar marrëdhënien e tyre”.

Në lidhje me Selenën, Kryemadhi shprehu respekt të madh për inteligjencën dhe aftësitë e saj:

“Selena është shumë inteligjente, elokuente dhe shumë e artikuluar. Për mua, ajo do të ishte një ministre e jashtëzakonshme për të debatuar, sepse mbyt gjithë opozitën me argument. Për mua, Selena është gjeni në politikë.”