Banori i Big Brother Rogerti ka reaguar pas izolimit të tij në Dhomën e Reflektimit, duke shprehur hapur pakënaqësinë dhe gjendjen e rënduar psikologjike gjatë qëndrimit në këtë hapësirë.

Në Dhomën e Rrëfimit, ai u shpreh se izolimi i plotë është i vështirë për t’u përballuar dhe se do të zgjedhë heshtjen si mënyrë reagimi. “Do mbyll gojën dhe do rri si në burg,” deklaroi ai, duke shtuar se izolimi i vetëm e çon njeriun drejt lodhjes mendore.

Rogerti theksoi se, nëse produksioni mendon se kjo dhomë do ta bëjë të reflektojë apo të ndryshojë qëndrimet e tij, atëherë sipas tij, nuk e kanë kuptuar plotësisht karakterin e tij. Ai u shpreh se shpesh artikulon mendime që, sipas tij, janë tabu në shoqërinë shqiptare, por që shumë njerëz i mendojnë dhe nuk i thonë publikisht.

“Unë them gjëra që janë tabu, që shqiptarët nuk i thonë, por vetëm i filtrojnë dhe i mbajnë në tru,” u shpreh banori, duke shtuar se reflektimi për mirë është i nevojshëm, por nuk e sheh izolimin si mjet që e ndryshon thelbësisht.

Në një deklaratë më personale, Rogerti foli edhe për kuptimin e jetës, duke thënë se njeriu shpesh largohet nga kjo botë pa e kuptuar plotësisht atë, ndërsa e konsideroi arritje nëse eksperienca brenda shtëpisë ndihmon dikë ta kuptojë më mirë veten.

Deklaratat e tij kanë ngjallur reagime të shumta mes banorëve dhe publikut, duke rikthyer në vëmendje diskutimin mbi ndikimin e izolimit dhe presionit psikologjik në reality show.