Vihet në pranga një shtetas i shpallur në kërkim në kuadër të operacionit policor të koduar “Neonët 5”, i zhvilluar nga Policia e Vau i Dejës.

Në pranga ka rënë shtetasi Gjergj Goli, 46 vjeç, banues në fshatin Barbullush, i cili akuzohet si bashkëpunëtor në përshtatjen e dy ambienteve banimi për kultivimin e bimëve narkotike me llamba.

Sipas Policisë, disa javë më parë, gjatë kontrolleve të kryera në këto dy ambiente në fshatin Barbullush, u sekuestruan gjithsej 583 bimë narkotike kanabis, rreth 7.5 kilogramë lëndë narkotike e përpunuar, si dhe 307 pajisje elektrike të përdorura për kultivimin e bimëve narkotike në ambiente të mbyllura.

Gjykata e Shkallës së Parë e Juridiksionit të Përgjithshëm Shkodër ka caktuar ndaj 46-vjeçarit masën e sigurisë “arrest në burg”, për veprat penale “Kultivimi i bimëve narkotike”, “Prodhimi dhe shitja e narkotikëve” dhe “Vjedhja e energjisë elektrike ose impulseve telefonike”, të kryera në bashkëpunim.

Policia bën me dije se vijon puna për kapjen e shtetasve të tjerë të shpallur në kërkim, të përfshirë në këtë veprimtari të paligjshme.

Materialet procedurale i janë referuar Prokurorisë së Shkodrës për veprime të mëtejshme ligjore.

Vau i Dejës/Vihet në pranga 1 shtetas i shpallur në kërkim në kuadër të operacionit të koduar “Neonët 5”.

Akuzohet si bashkëpuntor për përshtatjen e 2 ambienteve (banesa) për kultivimin e bimëve narkotike, me llamba, në fshatin Barbullush, vihet në pranga 46-vjeçari.

Nga këto 2 ambiente, disa javë më parë, u sekuestruan 583 bimë narkotike kanabis, rreth 7.5 kg kanabis dhe 307 pajisje elektrike që shërbejnë për kultivimin e bimëve narkotike.

Specialistët e Seksionit për Hetimin e Krimeve të Komisariatit të Policisë Vau i Dejës ndaluan shtetasin Gj. G., 46 vjeç, banues në fshatin Barbullush, i shpallur në kërkim në kuadër të operacionit të koduar “Neonët 5”. Gjykata e Shkallës së Parë e Juridiksionit të Përgjithshëm Shkodër i ka caktuar atij, masën e sigurisë “Arrest në burg”, për veprat penale “Kultivimi i bimëve narkotike”, “Prodhimi dhe shitja e narkotikëve” dhe “Vjedhja e energjisë elektrike ose impulseve telefonike”, të kryera në bashkëpunim.

Vijon puna për kapjen e shtetasve të tjerë të shpallur në kërkim.

Materialet procedurale iu referuan Prokurorisë së Shkodrës, për veprime të mëtejshme.