Durrës/ Finalizohet operacioni “Targat”, arrestohet 36-vjeçari i dyshuar për vjedhje targash

Policia e Durrësit ka finalizuar operacionin policor të koduar “Targat”, në kuadër të zbardhjes së vjedhjeve të ndodhura më parë dhe bazuar në informacionet e siguruara në rrugë operative.

Si rezultat i operacionit, u identifikua, u kap dhe u vu në pranga shtetasi E. Q., 36 vjeç, nga Kosova, i dyshuar si autor i vjedhjes së targave të automjeteve shqiptare dhe kosovare, të cilat dyshohet se ua shiste personave me precedent për kryerjen e veprave penale kundër personit dhe pronës.

36-vjeçari u kap në flagrancë në lagjen nr. 13, Plazh-Durrës, duke qarkulluar me një automjet tip “Ford”, me targa të vjedhura në lagjen nr. 5 të qytetit, në pronësi të shtetasit R. C.

Gjatë kontrollit të ushtruar në automjet, shërbimet e Policisë gjetën në bagazh dy palë targa të një automjeti nga Kosova, ndërsa në sediljen e shoferit u sekuestruan mjete të dyshuara për kryerjen e vjedhjeve, konkretisht kaçavida, pinca, një thikë, një palë doreza dhe një kapuç i ngjashëm me maskat. Të gjitha sendet u sekuestruan në cilësinë e provës materiale.

Nga veprimet hetimore ka rezultuar gjithashtu se i arrestuari dyshohet si autor i vjedhjes së targave edhe në dy automjete të tjera, të ndodhura muajt e fundit në Durrës.

Në bashkëpunim me Prokurorinë vijon puna për dokumentimin e plotë ligjor të veprimtarisë kriminale të këtij shtetasi, ndërsa materialet procedurale do t’i referohen Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprat penale “Vjedhja” dhe “Sigurimi i mjeteve për vjedhje”.

Durrës / Finalizohet operacioni policor i koduar “Targat”

Vidhte në Durrës targa të automjeteve shqiptare dhe të Kosovës dhe dyshohet se ua shiste personave me precedent për të kryer krime kundër personit dhe pronës, identifikohet, kapet dhe vihet në pranga autori i dyshuar.

36-vjeçari nga Kosova dyshohet si autor i vjedhjes në disa raste të targave të automjeteve.

Sekuestrohen dy palë targa, shqiptare dhe kosovare, kaçavida, pinca, një thikë, një palë doreza dhe një maskë.

Shërbimet e Komisariatit të Policisë Durrës, në vijim të operacioneve të njëpasnjëshme për zbardhjen e vjedhjeve të ndodhura më parë, bazuar dhe në informacionet e marra në rrugë operative, kanë finalizuar operacionin policor të koduar “Targat”.

Në kuadër të operacionit u kap dhe u vu në pranga shtetasi E. Q., 36 vjeç, nga Kosova.

Ky shtetas u kap në flagrancë në lagjen nr. 13, Plazh-Durrës, me mjetin tip “Ford”, me targa të vjedhura në lagjen nr. 5, Durrës, në pronësi të shtetasit R. C.

Gjatë kontrollit të ushtruar në automjetin tip “Ford”, në bagazh janë gjetur edhe dy targa të një automjeti nga Kosova, si dhe në sediljen e shoferit janë gjetur kaçavida, pinca, një thikë, një palë doreza dhe një kapuç (i ngjashëm me maskat).

Mjete të cilat dyshohet se ky shtetas i përdorte për kryerjen e vjedhjeve.

Sendet e mësipërme u sekuestruan në cilësinë e provës materiale.

Gjithashtu, nga veprimet hetimore ka rezultuar se ky shtetas është autor i vjedhjes së targave edhe në dy automjete të tjera, të ndodhura muajt e fundit.

Në bashkëpunim me Prokurorinë vijon puna për dokumentimin e plotë ligjor të veprimtarisë kriminale të këtij shtetasi.

Materialet do të referohen në Prokurorinë pranë Gjykatës së Shkallës së Parë të Juridiksionit të Përgjithshëm Durrës, për veprat penale të “Vjedhjes” dhe “Sigurimit të mjeteve për vjedhje”.