TURQI- Një aksident trafiku me pasoja vdekjeprurëse ndodhi të dielën në Antalia të Turqisë, kur një autobus u përmbys për shkak të motit të keq. Nëntë persona humbën jetën, ndërsa 25 u plagosën, disa prej të cilëve janë shtruar në spital në gjendje kritike.

"Nëntë nga bashkëqytetarët tanë humbën jetën dhe 25 u plagosën. Të plagosurit u dërguan në spitalet e zonës", u tha guvernatori i Antalyas gazetarëve.

Autobusi që po transportonte 34 pasagjerë nga Radesto (Tekirdag) për në Antalia, u përmbys në një autostradë për shkak të kushteve të rrëshqitshme, goditi barrierat dhe u përmbys në një kanal në rajonin Dosmealti.

"Po binte shi, rrugët ishin të lagura dhe kishte mjegull në kohën e aksidentit. Ky është një kryqëzim ku nuk duhet të shkosh shpejt, por duket se autobusi hyri me shpejtësi të lartë", tha guvernatori.