Mateo dhe Brikena patën sot një bisedë të qetë me njëri-tjetrin. Teksa të dy ndodheshin jashtë, banori iu drejtua Brikenës duke e pyetur për mendimin e saj rreth banorëve të tjerë.

Fillimisht, pasi e pyeti se çfarë mendimi kishte për Baby G, Mateo e pyeti edhe se kush mendon se është banori më negativ brenda shtëpisë së “Big Brother VIP 5”. Brikena në fillim u shpreh se nuk dëshironte të fliste, por më pas shtoi: “Ti je negativ”.

Kur Mateo e pyeti për arsyen, Brikena tha se në fakt nuk mendon se ai është negativ dhe se nuk beson që ka njerëz negativë brenda shtëpisë, por se secili zgjedh mënyrën e vet për të luajtur lojën. Mateo iu përgjigj duke theksuar se ai është plotësisht vetvetja dhe se që në hyrje ka deklaruar se do të japë më të mirën e tij.

Brikena: Shumë e mirë, me të thënë të drejtën kam një vibe të mirë. Nuk kam ndonjë përshtypje të keqe.

Mateo: Pozitive. Kush është negativ këtu brenda?

Brikena: Nuk dua të flas. Ti je negativ.

Brikena: Nuk mendoj që je negativ. Nuk mendoj se ka njerëz negativë, por secili zgjedh si ta luajë lojën në mënyrën e vet.

Mateo: Si po luaj unë sipas teje?

Brikena: Këtë duhet ta dish ti, jo unë.

Mateo: Unë jam 100% vetvetja, madje jo 100%, por 200%. Kush më njeh e di që kështu jam edhe jashtë. Po të doja të luaja lojë, do dija të bëja intriga, të mashtroja, të fusja njerëz në sherr, të bëhesha që ditën e parë i dashuruari i shekullit apo i lënduari sepse më refuzove, por nuk e bëra kurrë. Edhe kur më kanë pyetur se çfarë do bëj në Big Brother, kam thënë se dua të jem versioni më i mirë i vetes sime, brenda kornizave të mia. Si të më gjykojnë pastaj, nuk më bën përshtypje fare.