Një aksident i rëndë rrugor ka ndodhur mbrëmjen e sotme në Tepelenë, duke i marrë jetën një personi.

Rreth orës 20:55, në aksin rrugor “Dhëmblan–Tepelenë”, në vendin e njohur si “Ura e përroit”, në fshatin Salari, një automjet tip kamioçinë ka dalë nga rruga.

Mjeti drejtohej nga shtetasi Arian Çela, rreth 50 vjeç, banues në fshatin Dhëmblan.

Si pasojë e aksidentit, drejtuesi i automjetit ka humbur jetën në vendngjarje.

Menjëherë pas ngjarjes, në vend kanë mbërritur shërbimet e policisë dhe grupi hetimor, të cilët po punojnë për të sqaruar shkaqet dhe rrethanat e aksidentit. Hetimet janë në vijim.