Policia e gjen Mikelin, do të përgjigjet për atë që i bëri të bijës dhe kalimtarit në qendër të Durrësit

Durrës, 26 janar 2026 – Policia e Durrësit ka arrestuar 56-vjeçarin Mikel Ndoji, i cili më herët ditën e sotme akuzohet se plagosi me thikë vajzën e tij 24-vjeçare, Xh. Ndoji, në ambientet e jashtme të vendit ku ajo punonte.

Mikel Ndoj, rezulton person me precedent penalë në shtetin italian, ku kishte vuajtur disa vite burg për vepra dhune.

Sipas burimeve zyrtare, ai ishte i divorcuar prej gjashtë vitesh, për shkak të dhunës së ushtruar vazhdimisht ndaj familjes.

Ngjarja e rëndë ndodhi pranë një agjencie imobiliare ku punonte e reja, në qendër të qytetit të Durrësit.

Burri duket se kishte mësuar që e bija ishte kthyer dje nga Italia dhe sot ishte paraqitur në punë dhe shkoi te dyqani ku ajo punonte.

Me të hyrë brenda nisi një debat i cili vazhdoi jashtë por precipitoi. Mikeli kishte një thikë me vete dhe me të, qëlloi të bijën tre herë, një herë në fytyrë dhe 2 herë në trup.

Gjatë konfliktit, mbeti i plagosur edhe një koleg i saj, O.M., i cili ndërhyri për të shmangur përshkallëzimin e situatës. Ai u qëllua një herë me thikë në trup.

Xh. Ndoji dhe i riu tjetër i plagosur ndodhen aktualisht në spital, nën kujdesin e mjekëve, ndërsa policia po vijon hetimet për zbardhjen e plotë të rrethanave të ngjarjes. /noa.al

Video: arrestimi i të dyshuarit