Një djalë në moshë fare të re humbi jetën sot si pasojë e një aksidenti rrugor.

Ngjarja ndodhi kur makina që drejtohej nga një i ri në gjendje të duhur, u përplas me një pemë dhe shkaktoi vdekjen e shokut të tij pasagjer në mjet.

Drejtoria Vendore e Policisë Elbasan tha se specialistët e Qarkullimit Rrugor arrestuan në flagrancë shtetasin R. R., 26 vjeç, banues në Elbasan.

I riu akuzohet për ngjarjen e ndodhur mëngjesin e sotëm, në rrugën “Janaq Kilica”, ku automjeti që ai drejtonte, në gjendje të dehur, ka dalë nga rruga dhe është përplasur me një pemë anësore tha policia lokale.

Si pasojë e aksidentit, ka humbur jetën pasagjeri në këtë automjet, shtetasi Nehat Uruçi, 21 vjeç, banues në Elbasan.

Ndërsa drejtuesi i mjetit ndodhet jashtë rrezikut për jetën.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme. /noa.al