Një i mitur shqiptar, 14 vjeç, është arrestuar nga policia greke në Selanik, nën akuzën e dhunës në familje, pasi dyshohet se ka ushtruar dhunë ndaj motrës së tij 16-vjeçare.

Sipas autoriteteve, ngjarja ka ndodhur rreth orës 17:30 të së enjtes, në zonën e Asvestoçorit. Mediat fqinje raportojnë se adoleshenti ka sulmuar motrën e tij, duke i shkaktuar dëmtime në zonën e fytyrës.

Policia tha se i mituri e ka sulmuar 16-vjeçaren dhe ka arritur ta godasë të paktën një herë me grusht në fytyrë. E mitura është dërguar në spital, ku i është dhënë ndihma e parë dhe më pas është larguar.

Policia procedoi arrestimin e 14-vjeçarit dhe kundër tij u ngrit një padi për dhunë në familje. I mituri u paraqit para prokurorit dhe u lirua me urdhër të tij, si pjesë e një hetimi paraprak të urdhëruar për rastin.

Vajza u transportua menjëherë në spital për ndihmë mjekësore dhe, pasi mori trajtimin e nevojshëm, u largua drejt banesës.

Autoritetet greke bëjnë me dije se çështja do të trajtohet sipas procedurave ligjore që parashikon legjislacioni për të miturit. /noa.al