Bulqizë /Aksidentoi një këmbësor dhe u largua nga vendi i ngjarjes, identifikohet dhe arrestohet autori i aksidentit, Andi Shehu

Një ngjarje rrugore e ndodhur dje në segmentin rrugor Maqellarë–Bulqizë është zbardhur nga shërbimet e Policisë, duke çuar në identifikimin dhe arrestimin e autorit.

Sipas informacionit zyrtar, një shtetas, gjatë drejtimit të automjetit të tij, ka aksidentuar këmbësorin B. P., 72 vjeç, dhe më pas është larguar nga vendi i ngjarjes. Si pasojë e aksidentit, 72-vjeçari ka mbetur i dëmtuar dhe ndodhet i shtruar në Spitali i Traumës, nën kujdesin e mjekëve.

Falë veprimeve të shpejta hetimore dhe punës intensive të Policisë Rrugore, u bë i mundur identifikimi i automjetit të përfshirë në aksident, si dhe lokalizimi i drejtuesit të tij.

Në vijim, u arrestua shtetasi Andi Shehu, 65 vjeç, banues në Maqellarë, i cili dyshohet se tentoi t’i shmangej përgjegjësisë ligjore duke u larguar nga vendi i aksidentit.

Materialet procedurale i janë referuar Prokuroria pranë Gjykatës së Shkallës së Parë Dibër, për veprime të mëtejshme, për veprat penale “Shkelja e rregullave të qarkullimit rrugor” dhe “Largimi nga vendi i aksidentit”. /noa.al