TIRANË – Gjykata Kushtetuese ka përfunduar shqyrtimin e çështjes ndaj zv.kryeministres dhe ministres së Infrastrukturës dhe Energjisë, Belinda Balluku. Data dhe ora e shpalljes së vendimit do t’u komunikohet palëve përkatëse.

Seanca u zhvillua pas ankimimit të kryeministrit Edi Rama, i cili pretendon se vendimi i pezullimit të Ballukut shkel kompetencat e tij si kryeministër.

Prokurorja e SPAK ka vlerësuar se qëndrimi në detyrë i Ballukut mund të paraqesë një rrezik potencial, duke përmendur propozimin e 50 aktve që lidhen me hetimet.

Në seancë, Presidenti i Republikës përfaqësohej nga këshilltari Ilir Rusmali, shefi i kabinetit Hemioni Braho dhe drejtoresha e përgjithshme Eriola Shia. Ndërsa Kuvendi përfaqësohej nga drejtoresha juridike Mimoza Arbi.