Spanjë, 18 janar 2026 – Një aksident i rëndë hekurudhor ka ndodhur në Spanjën jugore, ku dy trenat e shpejtësisë së lartë janë përplasur, duke shkaktuar të paktën 7 viktima dhe një numër të panjohur personash të plagosur dhe të bllokuar në vendngjarje.

Ngjarja ka ndodhur pranë qytetit Admes, në provincën e Kordobës, sipas raportimeve të mediave lokale. Një tren që po udhëtonte drejt Madridit ka dalë nga shina dhe ka goditur një tjetër tren që po lëvizte në drejtim të Huelva-s.

Autoritetet lokale dhe ekipet e emergjencës kanë shkuar menjëherë në vendin e aksidentit, ndërsa operacionet e shpëtimit vazhdojnë për të nxjerrë nga rrënojat udhëtarët e bllokuar. Burime policore të cituara nga kanali shtetëror RTVE kanë bërë me dije se numri i të lënduarve dhe i personave të bllokuar ende nuk është saktësuar.

Për momentin, nuk ka një njoftim zyrtar për shkaqet e aksidentit, ndërsa hetimet janë në zhvillim e sipër.

Përditësime të mëtejshme priten nga autoritetet spanjolle dhe operatori hekurudhor.

🇪🇸 Spain: At least five dead and 25 seriously injured after two high-speed trains derailed in Adamuz pic.twitter.com/0Dcx9xDTeY

— Geo News (@GeoTienou) January 18, 2026