Sarandë, 17 janar 2026 – Një aksident rrugor është regjistruar mbrëmjen e sotme në rrugën “Karl Topia” në qytetin e Sarandës, ku një automjet tip “Toyota” me targa AB 054 SH ka humbur kontrollin dhe ka dalë nga rruga.

Automjetin e drejtonte Ervin Oruçi, 23 vjeç, nga Ksamil, ndërsa si pasojë e incidentit kanë mbetur të plagosur lehtë dy pasagjerët, Albion Qendra, 22 vjeç, nga Ksamil dhe Vlavi Aliu, 21 vjeç, nga Tirana.

Të rinjtë u dërguan në spitalin e Sarandës për ndihmë mjekësore dhe më pas u kthyen në banesë, pasi plagët nuk rezultuan serioze. Policia e qarkullimit ndodhet në vendngjarje dhe po kryen veprimet hetimore për sqarimin e rrethanave të aksidentit.