Durrës, 15 janar 2026 Një aksident rrugor ka ndodhur mbrëmjen e sotme në qytetin e Durrësit, ku një automjet i drejtuar nga një 20-vjeçar ka përplasur një këmbësor. Si pasojë e përplasjes, 69-vjeçari ka mbetur i dëmtuar dhe është transportuar për ndihmë mjekësore në Spitalin Rajonal të Durrësit.

Sipas informacioneve paraprake, i lënduari ndodhet jashtë rrezikut për jetën dhe po merr trajtimin e nevojshëm mjekësor.

Policia bën me dije se aksidenti ka ndodhur rreth orës 18:25, në rrugën “Martin Camaj”. Automjeti drejtohej nga shtetasi E. L., 20 vjeç, ndërsa këmbësori i përfshirë në aksident është shtetasi Y. K., 69 vjeç.

Grupi hetimor ndodhet në vendngjarje dhe po punon për sqarimin e plotë të rrethanave dhe shkaqeve të aksidentit.