TIRANË – Ambasada e Shteteve të Bashkuara në Tiranë ka shpërndarë një mesazh informues për qytetarët që aplikojnë për vizë amerikane, duke theksuar se respektimi i rregullave të vizës është thelbësor për miratimin e aplikimit.

Sipas njoftimit zyrtar, një oficer konsullor ka të drejtë të refuzojë aplikimin për vizë në rastet kur nuk bindet se aplikanti do të respektojë kushtet dhe rregullat e qëndrimit në Shtetet e Bashkuara.

Ambasada nënvizon se përgjegjësia për përdorimin korrekt të vizës i takon vetë udhëtarit, duke rikujtuar se çdo shkelje e kushteve të vizës mund të sjellë pasoja ligjore, përfshirë refuzime të ardhshme për hyrje në SHBA.

Në mesazhin e saj, përfaqësia diplomatike amerikane fton aplikantët të jenë të sinqertë gjatë procesit të aplikimit dhe të sigurohen se qëllimi i udhëtimit përputhet me kategorinë e vizës për të cilën aplikojnë.

Ambasada amerikane thekson gjithashtu se çdo aplikim shqyrtohet individualisht, bazuar në dokumentacionin e paraqitur dhe intervistën konsullore, në përputhje me ligjet e emigracionit të SHBA-së.

TravelGov

Është përgjegjësia juaj ta përdorni vizën tuaj në mënyrën e duhur.

Disa aktivitete që LEJOHEN me vizë vizitori B1/B2: ✅ Turizëm

✅ Pushime (holiday)

✅ Blerje

✅ Vizita te miq ose të afërm

✅ Takime me bashkëpunëtorë biznesi

✅ Pjesëmarrje në konventa ose konferenca

Aktivitete që NUK LEJOHEN me vizë vizitori B1/B2: ❌ Turizëm lindjeje (udhëtim me qëllimin kryesor për të lindur në SHBA, për të përfituar shtetësinë amerikane për fëmijën)

❌ Punë që sjell pagesë nga një punëdhënës ose biznes amerikan

❌ Studime për diplomë ose kredi akademike

❌ Performanca të paguara

It is your responsibility to use your visa correctly.Some activities that ARE ALLOWED on a B1/B2 visitor visa:✅ Tourism✅ Vacation (holiday)✅ Shopping✅ Visiting with friends or relatives✅ Meetings with business associates✅ Attending a convention or conference… pic.twitter.com/NpQZDeOmkM

— TravelGov (@TravelGov) November 28, 2025