Të dhënat po ngarkohen...
Transmetuar më 14-01-2026, 14:37
Tiranë, 14 janar 2026
Ilir Vrenozi ka lënë përfundimisht shtëpinë e “Big Brother VIP 5”, duke ndërprerë rrugëtimin e tij në këtë edicion të spektaklit.
Pas përfundimit të Prime-it të mbrëmjes së djeshme, Vrenozi ndodhej në akuarium, ku u takua me dy banorët e rinj, Artanin dhe Aleksandrën, si edhe me tre të nominuarit: Gretën, Angelon dhe Keijsi. Më pas, ai kaloi edhe në pjesën tjetër të shtëpisë për të përshëndetur banorët e tjerë.
Gjatë takimit me ta, Ilir Vrenozi sqaroi se vendimi për t’u larguar ishte marrë për arsye shëndetësore, duke theksuar se e kishte të pamundur të vijonte qëndrimin në shtëpi.
I prekur emocionalisht dhe me lot në sy, Vrenozi u largua nga shtëpia e “Big Brother VIP 5”, duke hequr dorë përfundimisht nga gara dhe nga çmimi i madh.
Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Bashkohu me kanalin e NOA WhatsApp për lajmet më të fundit direkt në celularin tënd